ФудбалФутсал

Шкупи во финишот до три бода, Форца со 15 гола против Клими, Осогово до голем триумф!

Сподели
ФОТО: Futsal Club FORCA | АРХИВА
Сподели



Поранешниот шампион Форца со неверојатни 15:1 го „разнесе“ Клими од Кавадарци во меч од 5. коло на Првата футсал лига.

До овој голем триумф кумановскиот тим стигна преку Иван Крстевски и Јасир Зекири кои постигнаа по три гола, двојни стрелци беа Драган Петровиќ, Иљаз Чиљафи, Зоран Левески и Берат Рамадани, а пак Таулант Исмаили постигна еден гол.

Осогово стигна до голема победа на домашен терен совладувајќи го СЕЕ Университи пред домашната публика во Крива Паланка со 9:1.

Никола Стојмировски постигна четири гола, Бојан Иванов и Дарио Павловски беа двојни стрелци, а по еден гол постигнаа Кристијан Станојковски.

За гостинот од Тетово единствен стрелец беше Зеќирија Османи кој погоди во 15. минута.

Шкупи во финишот дојде до трите бодови во дуелот со Јувентус Серава славејќи со 5:4.

Еркан Сефери во 1. минута донесе предност за домаќинот, во 7. минута Енес Јусуфи израмни на 1:1, а по една минута Еркан Шаип донесе нова предност за Шкупи.



Во 15. минута Зекир Зејнели погоди за 3:1, а пак две минути подоцна Елмир Алији намали на 3:2 на полувреме.

Во вториот дел Абдил Кадир Јахја постигна гол за 4:2 во 22. минута, но потоа следуваше израмнување, откако во 29. минута Омер Османи намали на 4:3, а пак Алији со втор гол во 35. минута погоди за 4:4.

Вистинска драма беше завршницата од мечот, кога во 38. минута Реџеп Сулејмани постигна гол за конечни 5:4 и голема радост за Шкупи.

Со овие три мечеви се комплетираше 5. коло. Извештајот на Спортска Мрежа за претходните два меча е достапен овде.

Проект е прв со максимални 15 бода, следуваат Форца и Шкупи со по 13 бода за делба на второто место. Кеги Моби е четврти со 12 бода.

На петтото место е Бутел со 6 бода, Клими е шести со четири бода, Јувентус Серава е седми со три бода. По еден бода имаат Осогово, СЕЕ Университи и Железарец, со тоа што на Осогово му беа одземени три бода и сега исплива на позитивни плус еден.



Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

ФудбалФутсал

Шкупи во финишот до три бода, Форца со 15 гола против Клими, Осогово до голем триумф!

Поранешниот шампион Форца со неверојатни 15:1 го „разнесе“ Клими од Кавадарци во меч од 5. коло на Првата футсал лига. До овој голем...

Ракомет

Вардар Неготино како „експресен воз“ го „прегази“ Радовиш, Македонија Ѓорче Петров со голема победа го „тресна“ Пролет

Деветтото коло од Првата ракометна лига во машка конкуренција донесе пет гостински и две домашни победи, со вкупно 476 постигнати голови. Вардар Неготино...

Поврзани написи
ФудбалЧетврта лига

Маџари со доби дуелот со Гоце Делчев, Зелениково со пет гола за Ускуп, лидерот Бујковци до три бода

Четири домашни и една гостинска победа го одбележаа осмото коло во Четвртата...

ФудбалЧетврта лига

Локомотива до минимална победа, реми на Тополка и Горски, Плавник го доби Согле

Седмото коло на Општинската фудбалска лига во Велес донесе погодоци на сите...

ФудбалФутсал

Проект со девет гола го декласираше Железарец, Кеги Моби ја доби голеадата со Бутел

Шампионот Проект со девет гола го декласираше повратникот Железарец, кој е поранешен...

✕
error: Содржина е заштитена! Се забранува копирање на истата!