Дербито на 5. коло на Втората футсал лига му припадна на тимот на Каршиака, откако со 7:5 го доби соочувањето со Црна Река од Кавадарци.
По првите дваесет минути резултатот беше 2:2 откако гостинот прв дојде до предност преку Стојан Петковски, а Енис Мемеди израмни, по што следуваат два гола пред крајот на првиот дел, а погодија истите фудбалери по вторпат.
Во вториот дел за домаќинот двоен стрелец беше Онур Емини, а по еднаш Бранко Ѓуровски, Бурим Касами и Бујамин Асани беа стрелци, кај Црна Река хет-трик во вториот дел забележа Даниел Миловановиќ.
Дебитантот Шутка 1 стигна до својата втора сезонска победа откако на домашен терен со неверојатни 15:2 го декласираше Кратово со што трите бодови останаа во Шуто Оризари. Амет Бајрам и Армандо Алијевиќ постигнаа по три гола во високата победа, а пак двојните стрелци беа Реџеп Бислим, Несим Сулејман и Сантијаго Ариф, а по еден гол постигнаа Абдула Бахтијан, Керим Мамуд и Емрах Селим.
За гостинскиот тим стрелци беа Лука Давитковски и Мартин Мишевски, а погодоците беа постигнати во првиот дел.
Овче Поле ја доби голеадата во Прилеп и во Свети Николе се враќа со три бода, откако со 3:5 ја доби Победа. Никола Стојковиќ во 13. минута донесе предност за гостинот, а по една минута Нермин Каришик израмни на 1:1 на полувреме.
Во вториот дел Икица Јованов донесе нова предност за Овче Поле од 1:2, а веднаш Миле Талески израмни на 2:2, а по него Аки Мемедалиев погоди за 2:3, а погодоците беа постигнати во три минути.
Со втор гол на Стојковиќ во 38. минута Овче Поле имаше предност од 2:4, но следуваше одново вистинска драма. Методија Пуличоски во 39. минута погоди за 3:4 и ја врати неизвесноста за трите бодови, откако во 40. минута Иван Трајков ги реши сите дилеми со гол за конечни 3:5.
Колото се затвара вечерва со дуелот меѓу фаворитот Балкан и Фудбал Старс во 20 часот.
