Натпреварот што го привлекува најголемото внимание во 10. коло од Супер машката лига ќе го водат арбитрите Димитар Митревски и Благојче Тодоровски од Битола.
Ракометната федерација на Македонија ги објави делегирањата за претстојната рунда, а битолската судиска двојка ја доби довербата за дуелот меѓу Вардар и Алкалоид.
Средбата е закажана за в сабота со почеток во 18:30 часот, а наместо во вообичаениот дом на „црвено-црните“, ќе се одигра во СЦ „Борис Трајковски“ поради зафатеност на салата во која настапува Вардар.
Правдата на овој натпревар ќе ја делат Митревски и Тодоровски, додека делегатските обврски ќе ги имаат Марјан Начевски и Ацо Николовски.
