Со голот на Христина Јовановска беше решено дербито во Струмица, откако Каменица Саса со минимални 0:1 го доби дербито со Тиверија Брера, во рамките на 11. коло на Првата женска фудбалска лига.
Ас Јунајтед врза втора победа откако во Скопје го доби Вардар со 1:2 со што трите бодови заминаа во Струмица, а херој за стружанки беше Јована Павловска која беше двоен стрелец.
Токму Павловска во 24. го отвори резултатот за водство на Ас Јунајтед, а во 41. минута од средбата Меланија Грозданова погоди за 1:1 на полувреме.
Во вториот дел Павловска со втор гол ги постави конечните 1:2 со што Ас Јунајтед стигна до четвртата сезонска радост.
Пелистер беше убедлив против Речица во гости каде славеше со 0:6 со што битолскиот тим експресно се врати на победите по поразот во претходното коло од Тиверија Брера.
Ана Нешковска беше двоен стрелец, а пак по еден гол постигнаа Леонора Велкоска, Анета Марковска, Мелиса Милица Димитриоска и Мила Талевска.
Колото се затвара во вторник со дербито во Тетово меѓу Љуботен и Скопје, како и со мечот меѓу Истатов и Кочани.
