Текстилец УГД по одличното отварање на сезоната со четири победи во низа, сега се соочува со резултатска криза откако тимот од Штип претрпе трет пораз во низа, а овој пат во рамки на 7. коло на Првата ракометна лига загуби од Овче Поле на домашен терен со 24:27.
Гостинот од Свети Николе подобро влезе во натпреварот со водство од 1:5, а потоа имаше и 6:12 по некаде 23 минути игра. На полувреме Овче Поле замина со предност од 9:15 и веќе беше најавена победата.
Во вториот дел штипјани се обидува да се вратат најблиску беа до 17:18 односно гол негатива, но потоа одново Овче Поле се одлепи на 18:21. Последниот обид за штипјани беше при 20:21 и 21:22, а потоа Овче Поле влезе во одлична завршница со славје од 24:27.
Кај Овче Поле прво име беше Кирил Буровски со осум гола, а го следеше Филип Петровски со седум гола. Кај Текстилец УГД прво име беше Дарио Јорданов со седум гола.
