Бутел го „прегази“ Клими, со пет гола Форца го декласираше Јувентус Серава

Бутел однесе убедлива победа над Клими триумфирајќи на домашен терен со 6:0 во рамките на 3. коло на Првата футсал лига.

Гостинскиот тим од Кавадарци беше во целост инфериорен противник, а домаќинот лесно стигна до три бода.

Мирко Богески беше двоен стрелец, а по еден гол постигнаа Никола Илијоски, Бобан Стојановски, Дарко Додевски и Петре Даиловски.

Поранешниот шампион Форца без проблеми славеше на гостувањето кај Јувентус Серава со резултат од 1:5. Уште во првата минута тимот од Куманово постигна два гола, а истите ги постигнаа Берат Рамадани и Иљаз Чиљафи, а во 13. минута домашниот тим преку Елмир Алији намали на 1:2 на полувреме.

Ако го поддржувате независното известување и промоцијата на македонскиот спорт, можете да ја поддржите нашата работа со симболична донација. Секоја поддршка ни значи и ни помага да создаваме нови спортски приказни

Во вториот дел Зоран Левески во 23. минута зголеми на 1:3, а до крајот Јасир Зекири и Иван Стојановски ги поставија конечните 1:5.

Претходно, како што објави Спортска Мрежа, шампионот Проект славеше во Тетово, Железарец и Осогово ремизираа, Шкупи го декласираше Кеги Моби.