По осум одиграни кола Охрид и натаму е на врвот од табелата со 19 бодови на своето конто, „рибарите“ имаат бод предност во однос на Пелистер и Работнички кои го делат второто место со по 18 бодови, а пак Брера Струмица е четврта со 15 бодови.
Но, многу работи може да се променат бидејќи Работнички и Брера имаат меч помалку, тој од 5. коло кој беше одложен, тие три бодови ќе направат многу промени и може да одлучат кој да биде есенски шампион.
Тетекс влезе во победничка форма со две победи во низа со што „штофарите“ се израмнија со Беласица за делба на петтото место со по 12 бодови, а пак Камјани е седми со 11 бодови на своето конто, додека Македонија ЃП е последниот тим со двоцифрена бројка на освоени бодови односно „лавовите“ имаат десет бода.
Останатите екипи имаат под десет бода на своите конта. Така, Кожуф е деветти со девет бода, Новаци и Детонит Плачковица го делат десеттото место со осум бода.
- ЦЕЛА ТАБЕЛА ВТОРА ЛИГА:
Нема промени ниту во опасната зона. Еуромилк ГЛ останува на 12. место со шест бода, Осогово е претпоследен со три бода, а пак Шкупи е на дното без ниту еден бод.
