Второлигашот Детонит Плачковица од Радовиш ќе го задржи костурот на тимот со носителите на играта, а клубот веќе преговара со четири до пет квалитетни играчи кои ќе се промовираа после Новогодишните празници како што дознава Спортска Мрежа.
Според информациите на Спортска Мрежа изгласан е буџетот на спорт на општина Радовиш, а според нашите информации средства ќе има и за ФК Детонит Плачковица плус делот кој што е од Детонит.
Во следните денови ќе разговараме со челниците на клубот и шефот на стручниот штаб Горан Здравко на оваа тема односно за финансии и играчкиот кадар и засилувања.
„Го сочувавме костурот на тимот со носителите на играта, веќе разговараме со четири до пет засилувања кои ќе ги промовираме во следниот период. Клубот е стабилен, на 9. јануари ќе означиме старт на подготовките за пролетниот дел“, рече Здравков за Спортска Мрежа.
Детонит Плачковица презимува на 5. место на табелата, а според нашите информации клубот ова зима ќе гради тим кој ќе биде надополнет во летниот дел за следната сезона да атакува за местата кои водат кон Прва лига.
Во следниот денови ќе објавиме повеќе информации околу Детонит Плачковица.
