Готен со убедлива победа од 4:1 над Сачево ја отвори сезоната во Општинската фудбалска лига во Струмица. Првото полувреме од мечот кој се играше во Подареш понуди три гола, домаќинот преку Даниел Бојчев во 13. минута го отвори резултатот, а десет минути подоцна Зоран Спасов ја дуплираше предност. Гостинот успеа да намали на 2:1 на полувреме преку гол на Јосиф Стојков.
Во второто полувреме Исмет Чокаланов постигна гол за 3:1 во 55. минута, а само пет минути подоцна капитенот Иван Конзулов постигна гол за конечни 4:1.
Огромна победа однесе тимот на Грозд од Дрвош, откако на домашен терен со 6:1 го декласираше тимот на Банско, во дуелот каде Ирфан Дестанов постигна хет-трик, а по еден гол постигнаа Никола Јованов, Ердал Демиров и Димитар Ѓоргиев. За гостинот утешен гол постигна Никифор Милчовски.
Интер Кукла во меч со осум гола славеше над Подгор КМБМ во Колешино, откако гостинот од Куклиш беше подобар со 3:5.
Гостинот одлично го отвори резултатот и на полувреме имаше два гола предност, а во вториот дел ја потврди победата. Двоен стрелец за домашниот тим беше Давид Златанов, а еден гол беше дело на Бојан Спасков, за гостинот Филип Муканов и Ване Кршков беа двојни стрелци, а еден гол постигна Тимче Јаневски.
Со ист резултат од 3:5 славеше и тимот на Напредок Здравје Радово во Добрејци над Илинден. За домаќинот Роберт Томов ги постигна трите гола во вториот дел, додека пак за гостинот Антонио Ристов погоди во 10. минута за отварање на резултатот, а потоа Никола Стојанов постигна два гола за 0:3 на полувреме, а во вториот дел Никола Сирачев беше двоен стрелец.
Слога од радовишко Злеово со убедлива победа ја отвори новата сезона откако на домашен терен со 5:2 славеше над Младост од Муртино. Стојанче Цветков беше стрелец на три гола за домаќинот, а двоен стрелец беше Наце Ѓоргиев, додека пак за гостинот двата гола беа дело на Александар Костурски.
Трите бодови останаа во Пиперово откако Единство со 4:1 славеше убедливо над Спартмани. Петар Томов постигна три гол за Единство, а еден гол беше дело на Васил Андонов, за гостинот Борислав Чонев беше единствен стрелец.
Василево преку пресврт славеше победа од 4:2 над Струмешница. Гостинот преку Ване Новков по четири минути го отвори резултатот, но потоа некогашниот третолигаш преку два гола на Мите Митров направи пресврт, а Адријан Николов погоди за 3:1 на полувреме.
Во вториот дел гостинот преку Иван Спасов намали на 3:2 во 70. минута и ја врати неизвесноста, но во 87. минута Митров со трет гол стави печат на голема победа.
