Во последниот меч од последното есенско коло на Првата кошаркарска лига на Македонија, екипата на Гостивар со 86:62 го декласираше Вардар.
Пред својата публика и на домашен терен Гостивар го реши Вардар уште во првата четвртина, па мечот го одигра на рутина.
Првата четвртина заврши со 28:9 и веќе се беше јасно, во второта четвртина резултатот беше 27:17. Во третата четвртина Вардар се обиде да парира, а истата заврши со 17:15, а во последната четвртина Вардар беше подобар со 14:21, откако Гостивар реши да не троши сила и енергија бидејќи мечот беше решен.
Во рамки на последното 12. коло за 2024 година Пелистер со 95:88 го доби Тиквеш, МКК Куманово беше подобар од ТФТ Скопје со 78:59, а пак МЗТ Скопје со 90:54 го доби Шкупи.
Кожув на домашен терен го доби Чаир со 86:63, додека пак Феникс го „тресна“ Работнички со 73:71.
