Денес во Дојран се одржа еднодневен семинар наменет за фудбалските судии, делегати и контролори во Третата македонска фудбалска лига – Исток. Семинарот се организира за поголема подготвеност пред стартот на новата натпреварувачка сезона 2024/2025.
Првиот дел кој се одржа во „хотел Истатов“ беше спроведено полагање на тестови за судиите од овој третолигашки регион, а потоа судиите заминаа на тестови за физичка подготовеност на Градскиот стадион во Дојран. Судиите успешно ги поминаа како тестовите, така и тестовите за физичка подготвеност.
Во вториот дел од овој семинар беше спроведено стучно-едукативно предавање за правилата на фудбалската игра од страна на Марјна Кировски и Драган Стојановски од Фудбалската федерација на Македонија.
Ваквите семинари кои се спроведуваат имаат за цел поголема подготвеност на судиите, делегатите и контролорите пред стартот на новата натпреварувачка сезона која треба да започне следниот викенд односно на 15. септември.
Одличен семинар преку кои се води грижа за максимална подготвеност на судиите, делегатите и контролорите.
Во новата сезона учество ќе земаат десет екипи, а во рамки на првото коло Брегалница Делчево ќе патува во Струмица кај Тиверија, во Берово соочување на Малеш и Слога Виница, Карбинци ќе биде домаќин на Ударник од Пирава, Овче Поле ќе биде домаќин на новајлијата Светлост од Зрновци, а пак Хоризонт Турново ќе патува во Дојран кај Дојранско Езеро.
Александар Ванев, Спортска Мрежа
