Втора женска фудбалска лигаФудбал

Ржаничино ја прегази Менада, Победа Валандово го декласираше Топ Грлс, три бода за Башкими

Сподели
Сподели

Денес беа одиграни три натпревари од 2. коло во Втората женска фудбалска лига. Рундата не е комплетна и ќе биде затворена на 8 октомври, кога во Охрид ќе се сретнат Билјанини Извори и ланскиот прволигаш Топ Гол, во нaтпревар со почеток од 15:30 часот.

Најубедлив триумф оствари Победа Валандово, која на домашен терен славеше со високи 9:1 против дебитантот Топ Грлс од Охрид.

Охриѓанки уште во 2. минута преку Валерија Стојкоска го отворија резултатот. Сепак, следуваше целосен пресврт и вистински голгетерски натпревар на домашниот состав.

Анастасија Ристова и Делфина Јованова постигнаа по четири гола, додека еден погодок запиша Ива Вејлозов, за конечни 9:1.

Интересен натпревар одиграа и Менада и Ржаничино, во дуел на два дебитанти кои имаат високи амбиции и желба да се борат за пласман во Првата женска фудбалска лига. Ржaничино на гостински терен славеше со 2:6.

За Менада двапати во листата на стрелците се запиша Ева Андонова, додека кај победничкиот состав по два гола постигнаа Теодора Јанковска и Љубица Асановиќ. По еден погодок додадоа Михаела Симоновска и Миа Закев.

До убедлива победа стигна и Башкими, која со 0:4 ја совлада Плачковица. Главна фигура во триумфот беше Рона Камбери, која постигна два гола, додека по еднаш погодија Елина Бајрами и Бељкиса Фетаи.

Втората рунда во Втората женска фудбалска лига ќе биде комплетирана на 8 октомври во Охрид, со дуелот меѓу Билјанини Извори и Топ Гол.

Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

Трета лигаФудбал

Победа Валандово остана на врвот, Овче Поле со пресврт, Брегалница Делчево славеше во Дојран, Каменица Саса со сигурен триумф над „фенерџијата“

Победа Валандово со минимален триумф над Хоризонт Турново останува на врвот во од табелата во Третата лига – Регион 3. Каменица Саса остана...

Втора лигаФудбал

Голем триумф за Камјани, дебитантот во финишот ги освои бодовите против Еуромилк и изби на четвртото место

Во судиското продолжение Камјани стигна до триумф над Еуромилк ГЛ и изби на четвртото место со што се комплетира 12. коло на Втората...

Поврзани написи
Прва лигаФудбал

Струга Трим Лум со комплетен пресврт славеше над Брегалница во Штип и го сочува врвот

Иако имаа негатива по првите 45. минути, фудбалерите на Струга ТЛ триумфално...

✕
error: Содржина е заштитена! Се забранува копирање на истата!