Јуниор од Доброшане стигна до голема победа од 2:3 на гостување кај Речица, во меч од 4. коло на Трета лига регион 4.
Домаќинот преку Дарио Јакимовски во 32. минута го отвори резултатот за водство од 1:0 на полувреме. Во вториот дел Кирил Доневски погоди за 1:1 во 48. минута, но брзо потоа домаќинот дојде до нова предност во 64. минута со голот на Леон Пауновски.
До крајот на мечот гостинот направи комплетен пресврт, откако Андреј Димиќ во 74. минута постигна гол за 2:2, а Виктор Димитриевски во 80. минута ги постави конечните 2:3 со што обезбеди три бода за неговиот тим, па така Јуниор е втор со девет бодови до комплетирањето на колото со утрешните мечеви.
Дуелот меѓу Победа од Тромеѓа и Беса од Слупчане заврши без победни, откако двете екипи ремизираа без голови (0:0).
