Прилепска Победа со убедливи 6:0 славеше над Големо Коњари во меч од 4. коло на Трета лига регион 4, со што трите бодови останаа на контото на домаќинот, кој има перфектен старт со четири од четири.
Мартин Никовиќ и Давид Паскоски беа двојни стрелци, а по еден гол постигнаа Марио Дебрешлиоски и Даниел Карчески.
На висок триумф се радуваше и Росоман, кој со 4:0 славеше над Победа од Пепелиште, победа посветена на Душко Кароев, претседател на Росоман, кој почина пред четири дена.
Тоше Кочовски во 21. минута го отвори резултатот за водство на Росоман, а до крајот од средбата Марко Миловановиќ постигна три гола за конечни 4:0.
Средбата меѓу Башкими од Јаболчиште и Венец од Долни Дисан заврши без победник, но и без голови (0:0) за делба на бодовите.
Колото се затвара утре со останатите средби.
