Селекторот Гоце Седлоски го одреди стартниот состав на Македонија за вечерашниот натпревар против Швајцарија во рамките на Лигата на нации. На Националната арена „Тодор Проески“ македонската репрезентација од 20:45 часот ќе го започне новиот циклус со амбициозен состав.
Најголемо внимание привлекува Матеј Гаштаров, кој ќе го запише своето сениорско репрезентативно деби. Фудбалерот на Црвена Звезда ќе биде во средниот ред заедно со капитенот Енис Барди.
Во офанзивниот дел Седлоски се одлучи за Елиф Елмас, Тихомир Костадинов, Бојан Миовски и Елмин Растодер. Последниот ќе има посебен мотив, со оглед на тоа што е роден во Швајцарија и досегашната кариера ја градеше во тамошниот фудбал.
На голот е Столе Димитриевски, додека дефанзивната четворка ја сочинуваат Бојан Илиевски, Висар Муслиу, Ѓоко Зајков и Себастијан Херера.
МАКЕДОНИЈА (4-2-3-1): Димитриевски – Илиевски, Муслиу, Зајков, Херера – Гаштаров, Барди – Елмас, Миовски, Костадинов – Растодер.
Швајцарија, пак, ќе настапи без неколку искусни фудбалери, меѓу кои Гранит Џака, Брел Емболо, Рубен Варгас и Ноа Окафор. На голот ќе биде Грегор Кобел, а капитенската лента во отсуство на Џака ќе ја носи Мануел Аканџи.
ШВАЈЦАРИЈА: Кобел – Евелди, Аканџи, Фројлер, Манзамби, Амдуни, Ндоје, Родригез, Јашари, Атекаме – Ридер.
Македонија во Скопје ќе биде без Николов и Серафимов, додека Дарко Чурлинов нема да биде во комбинација поради административни проблеми поврзани со неговиот клуб Погон Шчечин.
Главен судија на натпреварот ќе биде Германецот Даниел Шлагер.
Во првиот натпревар од групата, Словенија и Шкотска одиграа без голови, 0-0.
