Башкими го остави зад себе лошиот старт на сезоната и серијата од пет последователни порази. Победите над Скопје и БВБ Коњаре во Купот, како и ремито 3:3 со Вардар, донесоа подобра атмосфера и ја вратија самодовербата во кумановскиот табор.
Денеска пред Башкими е еден од најголемите предизвици во досегашниот дел од сезоната. Во рамките на 8. коло, кумановскиот состав ќе се соочи со тетовска Шкендија, во натпревар кој ќе се одигра на неутрален терен во Гостивар.
Башкими ќе се обиде добрата серија од последните натпревари да ја потврди и против лидерот, и со позитивен резултат да продолжи со подемот во првенството.
„Атмосферата против Шкендија е секогаш специфична. Се соочуваме со тим кој има шампионски претензии и квалитетен играчки кадар, но бела знаме не истакнуваме. Во Гостивар влегуваме максимално мотивирани за да извлечеме позитивен резултат“, истакна Андри Стафа.
Натпреварот Шкендија – Башкими се игра денес во 16:00 часот на стадионот во Гостивар, а правдата на теренот ќе ја дели судијата Фатмир Бафто.
