Третолигашот БВК Коњаре има нов голман – Филип Лазаров ќе го чува голот во сезона 2026/2027.
22-годишниот голман од Струмица во тимот на БВК Коњаре доаѓа од редовите на Ударник од Пирава, а низ неговата кариера беше дел и од Тиверија, Хоризонт Турново, Беласица и АП Брера Струмица од каде и ја започна кариерата.
Лазаров има искуство и како голман во македонскиот футсал настапувајќи за Црна Река од Кавадарци и за македонскиот футсал шампион Проект од Јосифово.
Новата сезона во Трета лига регион 1 стартува овој викенд, а во рамките на првото коло БВК Коњаре ќе гостува кај Фортуна, со што се очекува и деби настап на Лазаров во новиот клуб.
