Утре ќе бидат одиграни четири од пет натпревари од 5. коло на Првата женска фудбалска лига, мечот меѓу Ас Јунајтед и Пелистер е одложен за 17 септември.
Познати се судиите кои ќе ја делат правдата на утрешните четири натпревари.
Во Струмица ќе се игра мечот меѓу Тиверија Брера и Кочани, каде Блаже Петковски ќе биде главен судија, а негови помошници ќе бидат Кирил Манчев и Стефан Митров, а пак контролор ќе биде Зоран Стефанов.
Александар Василевски ќе им суди на Речица и Љуботен, а негови помошници ќе бидат Мартин Дејаноски и Петар Арсовски, додека пак Дејан Неделкоски ќе биде контролор.
Вјолца Изеири ќе им суди на Вардар и шампионот Скопје, а помошници на „Цементарница“ ќе бидат Даниел Василевски и Александар Николоски, додека пак Горан Манасиев ќе биде контролор.
Боби Величков ќе го суди дербито на колото кое се игра на Пржино меѓу Истатов и Каменица Саса. Негови асистенти ќе бидат Роберт Црвенов и Александар Ајдаров, а пак контролор ќе биде Иса Емурли.
Сите средби стартуваат во ист термин односно во 16:30 часот.
