Во просториите на стадионот „Петар Милошевски“ во Битола беше одржан семинар за судиите, делегатите и контролорите, како и состанок со екипите учесници во Третата лига – Регион 5.
На семинарот беа присутни сите учесници во натпреварувањето под надлежност на Регионалниот фудбалски центар 5 со седиште во Битола. Претседателот на Регион 5, Златко Талевски, им посака успешна сезона на сите клубови, судии, делегати и контролори, со желба за коректно и фер натпреварување.
Во рамките на самиот настан беа поделени и фудбалски топки за екипите кои ќе се натпреваруваат во Третата лига – Регион 5, како дел од поддршката за клубовите и развојот на фудбалот во регионот.
Од Регионалниот фудбалски центар 5 упатија благодарност до Фудбалската федерација на Македонија и до претседателот Масар Омерагиќ за досегашната соработка, поддршката и вложувањето во развојот на фудбалот и создавањето подобри услови за клубовите во регионалните натпреварувања.
Со овој семинар и состанокот со клубовите, Регион 5 и официјално ги заокружува подготовките за новата сезона, која се очекува да донесе нови натпревари, фудбалски возбудувања и борба на терените низ регионот.
