Во директниот дуел за првото место во групата А од претквалификациите за УЕФА Футсал Лигата на шампионите, Атлетик Клуб Грац и Врхника одиграа 2:2 во „Bluebox Arena“ во Грац.
Словенечкиот шампион одлично го започна натпреварот и уште во 1:56 минута преку Френк стигна до предност од 1:0.
Врхника продолжи со добрата игра и во 13:30 минута, Муратовиќ погоди за 2:0, со што словенечкиот тим имаше одлична предност пред завршницата на првото полувреме.
Грац, сепак, не се предаде. Црнчевиќ во самиот финиш на првото полувреме, во 16:58 минута, намали на 1:2, а истиот фудбалер во 19:45 минута повторно погоди за целосно израмнување – 2:2.
Во второто полувреме мрежите мируваа, па натпреварот заврши без победник.
Статистички, дуелот беше исклучително израмнет. Грац упати 22 удари, додека Врхника имаше 23 обиди. Двата тима не изведоа ниту еден корнер, додека Грац заработи два жолти картони, а Врхника три.
Со ова реми, Грац го освои првото место во групата А, додека домаќинот Врхника заврши на втората позиција.
За македонскиот шампион Проект, кој претходно одигра 3:3 со Врхника и 3:3 со Макаби Нетанја, ова значи дека европската авантура ја завршува на третото место во групата, а шампионот на Израел заврши последен
Проект во Грац покажа карактер и квалитет, особено имајќи предвид дека за најголем дел од младите македонски футсалци ова беше деби во Лигата на шампионите.
Европското искуство за македонскиот шампион заврши, но младата генерација на Проект доби драгоцени натпревари против шампионите на Австрија, Словенија и Израел – искуство кое може да биде значајно за нивниот понатамошен развој и за иднината на македонскиот футсал.
