Шаховскиот клуб Алкалоид ја освои својата 28. шампионска титула, односно 14-та по ред, откако со убедливи 5,5:0,5 го совлада ШК Гостивар во последното коло од Екипното државно првенство.
Со оваа победа, Алкалоид уште еднаш ја потврди својата доминација во македонскиот екипен шах и заслужено стигна до нов шампионски трофеј.
Шампионскиот состав го сочинуваа велемајсторите Александар Инѓиќ, Велимир Ивиќ, Звонко Станојоски и Трајко Недев, како и интернационалните мајстори Емил Ристески, Филип Панчевски, Тони Лазов и Дејан Стојановски, додека дел од тимот беше и ВМ Драгољуб Јаќимовиќ.
Во индивидуалниот учинок најмногу се истакна ИМ Тони Лазов, кој освои 7,5 поени од осум партии. Одличен настап имаше и ИМ Дејан Стојановски со 6,5/7, додека ИМ Емил Ристески заврши со 5,5/6.
Младиот состав на ШК Мулти Есенс го заврши првенството на четвртата позиција.
По претходно освоената титула во женска конкуренција, ШК Алкалоид повторно стигна до двојна круна, потврдувајќи ја својата апсолутна доминација во македонскиот екипен шах.
