Убедлива победа за ракометарките на Метарлуг Автокоманда откако вечерва во Штип со 21:42 беа пресилни за Астибо, во рамки на првото коло од плеј-офот на женската Суперлига.
Тимот на Јулијана Дамчевска одигра одличен натпревар и од самиот старт отвори одлично и натпреварот го реши уште во првиот дел кога имаше висока предност од 9:22, а во вториот дел беше рутина.
Марија Јанкуловска со девет гола беше најдобар стрелец кај Металург Автокоманда, додека пак Ѓошевска имаше осум, кај тимот на Астибо стандардно најдобра беше Марија Анчева со десет гола.
Шампионот Ѓорче Петров со 40:27 славеше голема победа над Чаир, во дербито каде „лавиците“ беа пресилни на теренот. Тимотна Симе Симовски одлично ја започна мисијата за одбрана на титулата, а во првото коло од плеј-офот впиша висок триумф.
Ивана Дежиќ со 17 погодоци беше најпрецизната „лавица“ на теренот, додека кај Чаир најдобра беше Стефанија Ѓорѓиевска со девет гола.
Првото коло од плеј-офот го донесе и ремито меѓу Вардар и Куманово, меч кој заврши со 25:25 и поделба на бодовите.
Во неизвесен меч каде во вториот дел се играше најчесто гол за гол, на крајот исходот меч без победник.
Кај Вардар најдобра беше Дона Тодоровска со девет гола, а кај Куманово тоа беше Нена Нестороска со 11 гола.
