Меморијалниот турнир во мал фудбал „Алмир Ибески – Алмо 2026“, кој се игра во прилепското Дебреште, влегува во својата завршница. Синоќа беа одиграни четвртфиналните натпревари, по кои се познати четирите екипи што продолжуваат во борбата за трофејот.
Во првиот четвртфинален дуел БХС Груп Саждево со 2:0 ја совлада Фасада Чајник и обезбеди место меѓу најдобрите четири.
Пилана Жарко минимално со 1:0 беше подобра од Цернилиште, додека Лисичани со 2:1 славеше против Поликлиника Др. Спаско.
Најубедлив триумф во четвртфиналната фаза оствари Сталоне Теута Саждево, кој со 5:1 го совлада составот на Цернилиште Куп.
Со тоа се комплетираше полуфиналната слика, а вечерва следуваат двата натпревари кои ќе ги дадат финалистите на овогодишното издание на турнирот.
- Полуфинале – 21 август
20:00 часот: БХС Груп Саждево – Лисичани
21:00 часот: Пилана Жарко – Сталоне Теута Саждево
По овие два натпревари ќе бидат познати екипите кои ќе се борат за шампионскиот трофеј на „Алмир Ибески – Алмо 2026“.
Турнирот и годинава носи одлична атмосфера и квалитетни натпревари во Дебреште, а завршницата се очекува да донесе уште поголема неизвесност и борба за престижниот трофеј.
Спортска Мрежа е медиумски покровител на меморијалниот турнир „Алмир Ибески – Алмо 2026“, со што и ова издание добива дополнителна медиумска поддршка и промоција.
