Меморијалниот турнир во мал фудбал „Алмир Ибески – Алмо 2026“ продолжува вечерва во Дебреште со нови четири натпревари, кои повторно носат интересни пресметки и големи очекувања.
Програмата започнува од 19:30 часот, а први на терен ќе излезат Саждево и BHS Grup Саждево-Крушево.
Вечерната програма продолжува во 20:00 часот со дуелот меѓу Поликлиника „Д-р Спаско“ и Лисичани, по што од 20:30 часот следува уште една пресметка на Лисичани, овојпат против Пикси Бојс.
Последниот натпревар за вечерва е закажан за 21:00 часот, кога силите ќе ги одмерат Евро Анче Планиска и Мега Маркет Јашарови.
По возбудливите натпревари од претходните вечери, и денес љубителите на малиот фудбал во Дебреште ги очекува богата програма и нови моменти на меморијалниот турнир посветен на Алмир Ибески – Алмо.
Вечерва се последните мечеви од групната фаза, потоа следува елиминациската фаза, што значи за некои екипи вечерва е последна шанса да се “освои билет” за пласман во нокаут фаза.
И годинава Спортска Мрежа е медиумски покровител на овој спортски настан, посветен на Алмир Ибески – Алмо.
