Третолигашот Брегалница со капитално засилување за новата сезона, откако екс прволигашот од Делчево го промовираше Владимир Дујовски како најново засилување.
30-годишниот играч за врска доаѓа од редовите на Малеш од Берово, низ кариерата беше дел од Беласица, прилепска Победа, Каменица Саса, штипска Брегалница, Кит Го и Хоризонт Турново.
Зад себе има 27 настапи во Првата македонска фудбалска лига, па со прволигашко и второлигашко искуство ќе биде големо засилување за тимот од Делчево.
Претходно, Брегалница се засили со голгетерот Марио Атанасовски, а ги промовираше и голманот Мартин Димитров, на бековската позиција пристигна Давид Тренчев, додека Дејвид Иванов и Славче Митовски ја засилија средината на теренот.
