Во новото издание од Спортска Мрежа Podcast разговараме за укинување на баражите за влез од Трета во Втора лига, разговараме и за намалување на третолигашките региони од пет на три или два регион со цел поголем квалитет.
Шампионите во Трета лига немаат директен влез во Втора лига, мораат да играат баражи, а директен влез нема ниту во некои региони од Општинската фудбалска лига, односно шампионите и во ОФЛ или Четврта лига по ранг на натпреварување мораат да играат бараж, па се отвара прашањето и на рамноправноста, во оние региони каде што се игра бараж како шампион и во оние региони каде што дирекно се влегува.
Разговаравме со фудбалските тренери Крсте Крстев, Даниел Гоцевски и Емил Грнев, а свое видување имаше и фудбалерот на Слога Виница, Октај Амедов.
Дали конечно баражите ќе станат минато и дали ќе има намалување на регионите во Трета лига за подобар квалитет.
