Спортска Мрежа започнува со нова спортска емисија – „Судиско продолжение“, која ќе ги носи најинтересните случувања од македонскиот фудбал и футсал, низ анализа, статистика, коментари и дебата.
Во фокусот на емисијата ќе бидат Првата, Втората и Третата македонска фудбалска лига, но и Првата и Втората женска фудбалска лига, како и Првата и Втората футсал лига.
Во секое издание ќе се навраќаме на најважните моменти од изминатото коло – резултатите, формата на екипите, играчите кои оставиле впечаток, интересните статистички податоци, но и темите кои предизвикале најмногу внимание.
Посебен дел од емисијата ќе биде резервиран за гости од македонскиот фудбал, со кои ќе разговараме за актуелностите, ќе анализираме натпревари и ќе отвораме теми за кои вреди да се дебатира.
„Судиско продолжение“ ќе донесе и свои рубрики, статистички прегледи, избор на играч на колото, тим на колото, интересни факти и анализи на најважните моменти од терените.
Името на емисијата не е случајно – кога ќе заврши последниот свиреж, започнува нашето „судиско продолжение“.
Првата епизода наскоро на YouTube каналот на Спортска Мрежа.
Продолжува Спортска Мрежа под своето мото од 2016 година – Македонскиот спорт на едно место…
