Шпанскиот дефанзивец- Ориол Реј Моралес ја заврши својата успешна епизода во ГРК Охрид и кариерата ќе ја продолжи во полскиот гигант Висла Плок.
По потврдата за трансферот, Реј во краток разговор за Спортска Мрежа зборуваше за новиот предизвик што го очекува, за целите кои сака да ги оствари во новата средина, но и за емоциите со кои се разделува од Охрид.
„Моите очекувања се да го дадам максимумот од себе и што побрзо да се вклопам во системот на новиот клуб. Како играч, отсекогаш сум сонувал да настапам на Ф4 турнир.“
Осврнувајќи се на периодот поминат во Охрид, Реј истакна дека клубот, градот и навивачите засекогаш ќе имаат посебно место во неговото срце.
„Охрид секогаш ќе биде во моето срце. Оваа сезона бев навистина среќен и мислам дека го дадов максимумот за да му ја донесеме првата титула на градот. Сигурно е дека ќе ми недостигаат сите“- изјави Реј, ексклузивно за Спортска Мрежа.
Европскиот трофеј засекогаш ќе остане запишан во историјата на ГРК Охрид, а Ориол Реј Моралес ќе остане запаметен како еден од ракометарите кои ја испишаа таа златна страница. Неговите зборови: „Охрид секогаш ќе биде во моето срце“ се најубавата порака со која се збогува со клубот, градот и навивачите.
