Вечерва беа одиграни два натпревари на Новогодишниот турнир во мал фудбал „Куклиш 2024“, а на овие две средби беа постигнати голем број на погодоци.
Јови МК со 9:6 го доби мечот со Парналија Спор, каде за победничкиот тим Кристијан Гавровски беше стрелец на пет погодоци, три гола беа дело на Глигор Вучков, а еден гол постигна Андријан Трајков, додека пак за поразениот деим Сердар Адемов и Илхан Адемов постигнаа по три гола.
Во вториот меч екипата на Христмил со 9:3 го декласираше тимот на Винарија Здравко.
По два погодоци за победничкиот тим имаа Андреј Јаневски, Никола Анчевски, Никола Стојановски и Стефан Димовски, а ден гол постигна Стефан Благоевски. За поразениот тим Наум Блажевски, Никола Радојчиќ и Ѓорги Танушев беа стрелци.
Овие два натпревари можевте да ги следите во ЖИВО на Спортска Мрежа, а исто така, во ЖИВО ќе може да го проследите натпреварот за трето место и големото финале.
Утре одново ќе има два дерби натпревари на турнирот во мал фудбал „Куклиш 2024“, со тоа што од 20 часот Герасов ќе се соочи со Баламов Компани, а еден час подоцна Еклектик против Црна Река во големото дерби за тоа кој да е прв во групата.
Спонзори и помагатели на „Куклиш 2024“ се Општина Струмица, Еклектик, Лав Комерц, Јови-МК, Никола Црнкаров, Агро-Драв-ВД, Едисон Јосе, Фреш Енд Драј, Криго-Каес, НП-Транс, Бимакс-Плус, Вен Воцар, Икарус, Стариот Џумбушлија, Христмил-Банско, Тера Пет Плус, Владо Банско, Печатница Дељо, Токи Еднокуќево, Термо-Митко и Флекс Компани.
Спортска Мрежа е медиумски покровител на овој спортски настан.
