Младиот каратист Теодор Стојаноски од Прилеп обезбеди учество на Европското првенство кое се одржува во Полска, во периор од 7. до 9. февруари.
Изминатиот викенд во Скопје се одржа плеј-офот од Државното првенство за кадети и јуниори, за избор за настапа на ЕП во Полска.
Младиот каратист кој има 14 години, а кој е член на карате клубот Спорт 94 имаше одличен настап на плеј-офот во Скопје. Стојаноски ги совлада сите противници со што ја потврдува својата одлична форма пред ЕП.
Подготовките веќе започнуваат и фокусот е ставена на Европското првенство, а младиот Стојаноски со самото учество направи голем исчекор во неговата блескава кариера.
Стојаноски ќе ја има поддршка од прилепчани и Македонија, а тој со гордост ќе ја претставува нашата држава на Европското првенство кое се одржува во Бјелско-Бјала, Полска.
