Женската ракометна репрезентација на Македонија ќе се сретне со Полска во баражот за пласман на Светското првенство 2025.
Нашата репрезентација предводена од Кристијан Грчевски ќе се соочи со тешкиот ривал, кој треба да биде совладан за да се обезбеди место на Мундијалот. Првиот натпревар ќе се игра на 9. или 10. април, додека реваншот е на 12. или 13. април во Македонија.
До сега, Македонија има три порази од Полска, последниот на 26. ноември 2017 година, кога Полска победи со 25:32. Светското првенство ќе се одржи во Германија и Холандија од 27. ноември до 14. декември 2025 година, а Македонија последен пат учествуваше на СП во 2007 година.
