Тимот на Стевче Алушовски ќе игра на силен турнир во соседна Србија, како дел од подготовките за пролетната полусезона во Суперлигата.
Имено, охридските гладијатори ќе бидат дел од четвртиот меморијален турнир ,, Вук Рогановиќ ‘’, кој ќе се одржи на 25-ти и 26-ти Јануари во Белград. Турнирот се одржува од Јануари, 2022 година, во знак на сеќавање на еден од најтрофејните тренери во Србија, кој починал на 12.04.2021 година. Во својата кариера како играч настапувал за Младост од Земун, потоа продолжил во Динамо од Панчево, во шведски Гетеборг и во Белгија, каде и ја завршил својата играчка, а ја започнал својата богата тренерска кариера од 44 години, во која предводел вкупно 25 клубови и освоил 24 трофеи.
Охрид ќе биде во друштво на домаќинот- Партизан, Динамо Панчево, како и хрватскиот клуб Нексе Нашице. Турнирот ќе трае два дена, а двојките ќе бидат познати непосредно пред турнирот.
Ова ќе биде одлична прилика за амбициозните охриѓани да одработат квалитетни подготовки за остатокот од сезоната.
