Екипата на Партизан Југ во Брвеница со 8:1 го декласираше тимот на Енхалон од Струга на крилата на Ивица Ангелески кој беше стрелец на четири погодоци.
По еден гол за домашниот тим постигнаа Илија Јанкулоски, Стефан Апостолоски, Даниел Јандриески и Даниел Радески, додека пак за тимот од Струга единствен стрелец беше Бојан Јанкоски.
Тимот на Кораби не виде проблем на мечот со Конзули од Битола, па лесно стигна до триумф од 7:3. За домаќинот двојни стрелци беа Един Мерсовски и Октај Беќири, а пак по еден гол постигнаа Ерџан Мало, Емил Лимнаовски и Дарко Блажевски. За тимот од Битола двоен стрелец беше Петар Крцоски, а еден гол беше дело на Марјан Јовановски.
Дополнително ќе направиме преглед на табелата во Втората футсал лига и кои се најдобри стрелци.
Извештајот за останатите натпревари од 9. коло кој е веќе објавен на Спортска Мрежа можете да го прочитате овде.
