Екипата на Карадаку на домашен терен беше поразена од СЕЕ Университи со резултат од 0:3. Зеќирија Османи беше двоен стрелец, а стрелец на третиот гол беше Самир Рамадани.
Како што веќе информираше Спортска Мрежа вчера екипата на Кратово со 8:5 славеше над Каршиака.
Мал Ајакс на домашен терен забележа триумф откако во Спортската сала при СОУ „Коле Нехтенин“ со 8:3 беше убедлив над ССК Скопје. Мамудов и Белчовски беа двојни стрелци, а по еден гол постигнаа Стојанов, Тиквешанец, Дурмишов и Трајанов. За гостинската екипа стрелци беа Ѓуровски и Цветановски, а пак Стојов од штипскиот тим си постигна автогол.
Ланскиот прволигаш Овче Поле го доби дербито со Балкан, откако славеше со 4:6 на гостински терен, важен и голем триумф за тимот од Свети Николе.
Победата добива на тежина што е обезбедина на гостински терен, а секако и преку пресврт, бидејќи домашниот тим имаше 2:1 на полувреме.
Голгетерот Ибрахим Алији имаше хет-трик, а пак Пајтим Реџепи си постигна автогол. За тимот од Свети Николе Дамјан Благоевски беше стрелец на четири гола, а Давид Бојковски постигна еден гол, ддоека пак Икица Јованов си постигна автогол.
Колото се комплетира со два меча Партизан Југ во Брвеница ќе го пречека Енхалон, а пак Кораби ќе игра со Конзули од Битола.
Во однос на табелата Мал Ајакс е на врвот со 24 бодови, на второто место е Овче Поле со 18 бодови, колку што има и Балкан кој е трет, но со тоа што тимот на Балкан има меч помалку во однос на тимот од Штип и Свети Николе.
