Талентираниот напаѓач Аган Сулејмани е пред заминување од кумановскиот прволигаш Башкими.
21-годишниот фудбалер беше дел од почетниот состав на Башкими во натпреварот против Силекс од првото коло на новата сезона во Првата македонска фудбалска лига, кој кумановскиот тим го загуби со убедливи 6:0 во рамките на првото коло од новата сезона.
Според информациите, се очекува Сулејмани кариерата да ја продолжи во друг македонски клуб, со што ќе стави крај на своето поглавје во дресот на Башкими. Официјалната потврда за трансферот се очекува во наредните денови.
Инаку, пред извесен период тој направи трансфер во хрватскиот клуб НК Радник Крижевци, но по краток престој повторно се врати во редовите на Башкими.
Сулејмани е еден од најперспективните млади фудбалери од Куманово и настапува на позицијата централен напаѓач. Роден е на 5 март 2005 година, а во моментов е член на репрезентацијата на Македонија до 20 години. Со оглед на неговиот потенцијал и развој, се очекува во иднина да добие повик и во младата репрезентација на Македонија до 21 година.
