Прилепчанецот Христи Бикоски е нов кондиционен тренер на Брера Струмица, тој ќе работи во стручниот штаб на Ѓорѓе Стојчев во новата сезона од Втората македонска фудбалска лига која ќе стартува на 15 август.
Бикоски претходно работеше како кондиционен тренер во ракометниот клуб Прилеп, но работеше и индивидуални тренинзи со фудбалери од прилепскиот крај.
Ангажманот во Брера Струмица како кондиционен тренер е голема можност за Бикоски, кој е докажан спортист односно ракометар, но и голема можност да соработува со искусниот стратег Ѓорѓе Стојчев и да биде во клуб кој е одлично организиран.
Пред Бикоски е нов предизвик, но и одлична можност за напредок во кариерата, бидејќи веќе доста вложува во знаење кога е во прашање оваа тема.
Брера Струмица вчера ги започна подготовки за новата сезона, а во рамки на првото воведно коло ќе се соочи со Еуромилк од Горно Лисиче на домашен терен.
