Синоќа со три натпревари беше отворено овогодинешното издание од турнирот во мал фудбал „Црнилиште Куп 2026“, а кој меч понуди неверојатни три средби со многу погодоци.
Турнирот го отвори Зани Назифи, фудбалерот на косовски Лапи, фудбалски талент кој со Шкендија Арачиново испиша историја обезбедувајќи влез во Првата македонска фудбалска лига. Неговото присуство на отворањето му даде дополнителна вредност на овој спортски настан, кој ги обединува младите и љубителите на спортот во вистински празник на фудбалот, пријателството и почитта.
Првиот меч меѓу Balltin Klepall и Кафе Бар Сло заврши без победник во регуларниот дел 1:1, а во пенал серијата тимот на Кафе Бар Сло беше подобар со 0:2.
Веќе во вториот меч тимот на Balltin Klepall „испука“ седум погодоци во мрежата на Barbaras за славје до 7:1.
Последниот меч од синоќешната програмата понуди реми меѓу Barbaras и Кафе Бар Сло (1:1).
Вечерва ќе има три натпревари на програмата. Од 19:30 часот BHS Grup ќе игра против Free Palestine, од 20:10 часот BHS Grup со втор меч против ALB Tobacco, а од 20:50 часот Free Palestine ќе оди на мегдан против ALB Tobacco.
Спортска Мрежа и оваа година е медиумски покровител на овој турнир кој важи за еден од најголемите и најдобро организираните во Македонија.
