Синоќа на Меѓуопштинскиот турнир во мал фудбал „ресен 2026“ беа одиграни три натпревари, кои донесеа еден возбудлив меч и две убедливи победи, а на задоволство на публиката која и синоќа уживаше од трибините.
Во првиот меч победник во регуларниот дел немаше откако Ресен и Аце Најдески одиграа 1:1, а потоа во пенал серијата екипата на Ресен беше подобра со 4:3.
Во вториот меч доминација на тимот на Сливница откако со 4:1 го доби Екстра Скопско. Слична игра имаше и во третиот меч кога Пекара Александар со високи 3:1 го доби тимот на Викса Пром.
Спортска Мрежа и годинава е медиумски покровител на овој спортски настан, кој го обединува најдобрите екипи од Југозападот на едно место.
Вечерва на програмата ќе бидат нови возбудливи натпревари, а истата ќе биде збогатена со четири натпревари.
Од 19 часот Пропер Претор ќе игра со Ресен, еден час подоцна Враништа оди на мегдан со Инекс Олгица, од 21 часот Новаци Пеце Н. ќе игра со Екстра Скопско, а пак од 22 часот Солар Буилд на мегдан со Сливница.
