Младиот фудбалер на Шкендија Арачиново, Амир Нухија, кариерата ќе ја продолжи во редовите на Струга Трим Лум.
Дваесет и едногодишниот играч за врска потпиша договор со актуелниот македонски прволигаш и во новата сезона ќе ги брани боите на тимот од Струга.
Нухија важи за еден од најперспективните млади фудбалери во својата генерација, а со своите настапи во дресот на Шкендија Арачиново го привлече вниманието на повеќе клубови. Во Струга Трим Лум ќе добие можност за дополнителен развој и настапи на највисоко ниво во македонскиот фудбал.
Од клубот му посакаа добредојде и многу успеси во новата средина.
