Вечерва беше отворено 9. коло од Првата футсал лига на Македонија, а во кое Јувентус Серава запиша важна и голема победа над фаворитот Проект од 1:2 во Велес.
По еден погодок падна во првиот дел со тоа што домаќинот прв поведе во 16. минута преку Николче Стојановски, а потоа Армандо Алијевиќ во 19. минута постигна гол за 1:1 на полувреме.
Во вториот дел до самиот финиш траеше неизвесноста околу трите бодови, а во 38. минута Керим Мамуд се покажа како херој за гостинскиот тим откако постигна гол за конечни 1:2 и победа на Јувентус Серава.
Во сабота ќе се одигра дуелот од долниот дел на табелата меѓу Бутел и Кеги Моби, во недела се игра супер-дербито на Шкупи и Форца, а па к Железарец ќе игра против Осогово.
Колото се комплетира дури во среда со Градското дерби во Кавадарци меѓу Клими и Црна Река.
