Продолжуваат возбудувањата на турнирот во мал фудбал “Враништа 2026” со нови натпревари.
По нокаут фазата беа формирани четири групи со по три екипи. Првите две од секоја екипа ќе продолжат во четвртфиналето.
Инаку, вечерва екипата на Златара Бени и Ерол службено со 1:0 го доби мечот со Агро-рес Ресен, откако организаторот информираше дека екипата од Ресен е исклучена од понатамошно натпреварување.
“Поради недолично однесување и непочитување на правилата на турнирот, екипата „Агро-рес Ресен“ е дисквалификувана од понатамошно учество на Турнирот во Враништа. Одборот на турнирот нема да толерира нарушување на редот, фер-плејот и спортската култура. Апелираме до сите учесници да ги почитуваат правилата и одлуките на турнирот. Ви благодариме на разбирањето”, велат организаторите.
На вториот меч Охридски бисер Филеви загуби со 4:5 од екипата на Кафе бар 9.
Во рамки на третиот мел екипата на АСП-ПАК со убедливи 5:1 го декласираше тимот на Сатеска.
Спортска Мрежа и годинава е медиумски покровител на “Враништа 2026”.
- Утре на програмата ќе бидат три натпревари:
20:00 АСП-ПАК – Чардак Велгошти
21:00 Инекс Олгица – Аце Најдески
22:00 Охридски бисер Филеви – Термити Битола
