Екипата на Кул обезбеди влез во Третата македонска фудбалска лига – Север за следната сезона, откако во последното коло од Општинската фудбалска лига во Кисела Вода со убедливи 5:0 го доби тимот на ССК Нова.
Натпревар во кој фудбалерите на Кул беа доминантни од самиот почеток и со добра игра стигнаа до висока победа, со која од следната сезона ќе бидат дел од третолигашкото друштво.
Натпреварот беше одигран на стадионот „Цементарница“ во Скопје.
Инаку, ФК Кул важи за клуб кој располага со голема база на млади фудбалери и претставува вистински расадник за млади таленти, тимот редовно учествува како на домашни така и на силни меѓународни турнири со младинските категории.
