13-тата рунда донесе изненадувања во Општинската фудбалска лига во Струмица, откако „фенерџијата“ Напредок во Радово успеа да ја изненади Слога од Злеово која ја имаше фаворитската улога со триумф од 2:0.
За тимот на Напредок ова е само втора сезонска радост, додека пак Слога го претрпе својот четврт сезонски пораз.
Огражден без проблеми ја оправда фаворитската улога откако со сигурни 0:3 славеше над Дрвош и со тоа трите бодови заминаа во Ново Село.
Следното коло се игра директна дерби пресметка меѓу Огражден и Интер Кукла, триумф и реми му одговара на Огражден за да биде шампион, а за тимот од Куклиш само три бодови е опција за да биде шампион.
Токму Интер Кукла денес со убедливи 6:2 славеше над Единство од Пиперово, враќајќи се на победничките патеки.
Илинден успеа да го изненади фаворитот Спартмани и на негов терен во Балдовци да му земе бод откако одигра 2:2.
- ЦЕЛА ТАБЕЛА ОД ОФЛ СТРУМИЦА:
