Денес со ждрепка во „Куќата на фудбалот“ беа извлечени двојните за второлигашкиот бараж, а во кои влегуваат петте шампион во Трета лига кои ќе се борат за промоција во повисок ранг на натпреварување, како и три второлигаши кои ќе се борат за опстанок.
Ждрепката посака во баражот за Втора лига да се соочат Кожуф против Борец Каменица Саса против Еуромилк ГЛ, Тетекс против Влазними, единствениот меч во кои се среќаваат два третолигаши е тој меѓу Победа Валандово и Камјани.
Како што претходно објави Спортска Мрежа, Камјани е шампион на Трета лига – Запад, Влазними е шампион на Трета лига – Југозапад, Еуромилк ГЛ е шампион на Трета лига – Север, Победа Валандово е шампион на Трета лига – Исток, додека пак Борец е шампион на Трета лига – Југ.
Бараж натпреварите се закажани за 30 мај (сабота) од 16:30 часот, освен мечот меѓу Тетекс и Влазними, кој ќе се одигра на 31 мај (недела), дополнително ќе биде познато каде ќе се играат, а ќе биде на неутрален терен.
