Здружението на ракометни тренери на Македонија (ЗРТМ), во соработка со Европската ракометна федерација (ЕХФ) и Ракометната федерација на Македонија, на 13 јуни ќе организира задолжителен семинар за обновување на тренерските лиценци за сезоната 2026/2027.
Овогодинешниот семинар ќе се одржи во Струга, поточно во Спортскиот центар „Тими“, наместо во Охрид како што беше пракса во претходните години.
Семинарот е од задолжителен карактер и се однесува на сите ракометни тренери, а учесниците ќе имаат можност да проследат предавања, практични сесии и презентации поврзани со најновите трендови во современиот ракомет.
Организаторите најавуваат квалитетна програма и едукација која ќе биде важен дел од подготовката на тренерите за новата натпреварувачка сезона 2026/2027.
