Младиот и талентиран фудбалер Игор Ристов ги бележи првите настапи за првиот тим на Брера Струмица.
Ристов кој е член на репрезентацијата на Македонија до 17 години своето деби за првиот тим на Брера Струмица го имаше на натпреварот против шампионот Струга Трим Лум (1:1) откако во игра влезе во самиот финиш на натпреварот и одигра неколку минути, но на натпреварот против Беса на кој Брера славеше со 0:1, радовишанецот на теренот помина 67 минути.
Овие се првите два натпревари за Ристов во Првата македонска фудбалска лига, откако претходно запиша два настапи во младинската Лига на шампиони, во квалификацискиот двомеч со Сарајево од БиХ.
Пред Ристов повеќе од јасно е дека ќе следува светла фудбалска иднина, тој е член на Брера Струмица од 2019 година, откако претходно беше дел од Детонит Плачковица.
