Екипата на Детонит Плачковица запиша триумф над Башкими со резултат од 3:1 на Градскиот стадион во Радовиш кој беше целиот под вода, каде условите за игра беа лоши.
Капитенот на радовишани, Иван Настевски во изјава за Спортска Мрежа вели дека одиграле одличен натпревар на лош терен, додава дека заслужено ја победиле екипата на Башкими.
„Одличен натпревар одигравме на лошиот терен, покажавме огромен карактер, да се вратиш брзо и да направиш пресврт на таков терен воопшто не е мала работа, заслужено ја победивме добрата екипа на Башкими. Се гордеам со овие момци и навистина уживам на секој натпревар со нив. Воедно му посакувам на Бурхан Алији брзо заздравување и враќање на теренот“, рече Настевски во изјава за Спортска Мрежа.
Детонит Плачковица е на петтото место со 24 бодови, колку што има и Каменица Саса, а во следното коло кое е последно ќе гостува во Прилеп кај Победа.
