Познати се групите за сите генерации на „Интернационалниот Мастерс Куп“, кој од 22 до 24 мај ќе се одржува во Валандово, Дојран и Гевгелија.
Во секоја генерација се очекува силна конкуренција, а патот до големото финале нема да биде лесен за ниту една екипа.
Во генерацијата 2014 формирани се четири групи. Три групи ќе бидат составени од по четири екипи, додека во групата Д ќе се натпреваруваат пет екипи.
Во генерацијата 2015, исто така, се очекува голема борба за пласман понатаму. Формирани се четири групи, а во секоја од нив ќе има по пет екипи.
Кај генерацијата 2016 ќе има четири групи со по четири екипи, а ист формат ќе биде применет и во генерацијата 2017, каде исто така се формирани четири групи со по четири тима.
Во генерацијата 2018 ќе има две групи со по пет екипи, каде се очекуваат интересни и неизвесни натпревари во битката за пласман во завршницата на турнирот.
„Интернационалниот Мастерс Куп“ и оваа година ќе донесе многу фудбалски возбудувања, талентирани млади фудбалери и натпревари исполнети со голема борбеност и спортски дух.
Натпреварите во живо ќе можете да ги следите на YouTube каналот Спортска Мрежа Podcast, покрај натпреварите во живо, ќе има интервјуа и изјави од тренери и фудбалери.
