Со три натпревари кои се играат утре од 16 часот ќе биде комплетирано 32. коло во Првата македонска фудбалска лига, а Фудбалската федерација на Македонија ги одреди официјални лица за трите средби.
Дуелот во Кавадарци меѓу Тиквеш и Пелистер, ќе го суди Јован Качевски. Негови помошници ќе бидат Разме Бакрачески и Горан Балески, додека четврти судија е Фатмир Бафто. Во ВАР-собата ќе бидат Пларент Салихи како ВАР, Вјолца Изеири како АВАР и Виктор Васев е делегат за повторување на снимката. Делегат на натпреварот е Никола Мицановски, а контролор Бранко Манојлоски.
Башкими ќе ја пречека Македонија ЃП во Гостивар, а за главен судија е назначен Александар Грујоски, а покрај него ќе бидат Дарко Видиниќ и Бранко Путилин како помошници. Фуркан Идризи е четврти судија, додека во ВАР собата ќе бидат Бењамин Ќерими, Гоце Петрески, а оператор за повторување на снимката ќе биде Жарко Пејковски. Делегат на средбата е Благојче Ангелевски, а контролор Илир Сеља.
Шкупи ќе игра против Работнички, главен арбитар ќе биде Ндерим Тефику. Негови асистенти ќе бидат Мартин Дејаноски и Имран Абази, а Марјан Дејаноски е назначен за четврти судија. Во ВАР-собата ќе бидат Стојанче Стојанов, Тоше Ицев, а оператор за повторување на снимката ќе биде Матеј Димитриевски, додека делегат на натпреварот е Дритан Бакали. Контролор на судењето ќе биде Дејан Неделкоски.
