Охрид ќе има шанса пред својата публика да се бори за европскиот трофеј, откако денешната ждрепка го одреди распоредот за финалето во ЕХФ Европскиот куп.
Првиот финален натпревар ќе се одигра во Татабања на 23 или 24 мај, додека реваншот е закажан за 30 или 31 мај во Охрид, што значи дека победникот на ова натпреварување ќе биде решен на македонско тло.
Ждрепката беше извршена во седиштето на Европската ракометна федерација во Виена, а македонскиот претставник првиот меч ќе го игра на гостински терен, пред одлуката да падне во салата „Билјанини извори“.
За Охрид ова е најголем успех во клупската историја, а тимот на Борис Ројевиќ до финалето стигна со елиминации над Баку, Слога Добој, Дукла Прага, Олимпијакос и Целје.
Охрид ќе има историска шанса пред домашната публика да го освои европскиот трофеј и да стави круна на една незаборавна сезона.
